Mathilde Perrin, unha viúva de sesenta e tres anos, parece gozar dunha apracible xubilación na súa pequena casa de Melun, a uns 40 quilómetros de París, onde vive soa coa súa dálmata, Ludo. Con todo, tras esa imaxe de muller pulcra e elegante, angustiada polo sobrepeso, escóndese unha desapiadada asasina a soldo ao servizo da intelixencia francesa. Co seu Magnum 44, Mathilde é infalible: perfeccionista e meticulosa, executa ás súas vítimas a sangue frío e sen pestanexar. Pero ultimamente o seu mal carácter, os frecuentes esquecementos e certas doses de crueldade gratuíta están a levala a cometer demasiados erros.