«Nesta familia non hai secretos!», proclama ao comezo deste libro Damián, o pai, un home de ideas e ideais fixos obsesionado coa rectitude e a pedagoxía. Pero esa casa sen segredos está en realidade chea de gretas, e a opresión que se respira entre as súas paredes terminará creando vías de escape, códigos clandestinos, ocultacións, finximentos e mentiras. Formada por dúas nenas, dous nenos, unha nai e un pai, esta familia en aparencia normal, de clase traballadora e chea de boas intencións, é a protagonista dunha novela coral que abarca varias décadas e en cuxas historias latexan o desexo de liberdade e a crítica aos piares que tradicionalmente sostiveron, e aínda sosteñen en gran medida, a institución familiar: autoritarismo e obediencia, vergoña e silencio.