Ronja, de dez anos, soña con ter unha árbore de Nadal. Pero o seu pai, un viúvo amable e canso, e vítima do alcol, non consegue permanecer nun mesmo traballo o tempo suficiente para gañar o diñeiro que gastar no que non é esencial. Este ano parece que finalmente Ronja cumprirá o seu soño, porque o seu pai atopou traballo no mercado de árbores de Nadal. Pero... Con esta historia aparentemente simple e directa, na que tamén ten un papel importante Melissa, a irmá maior, a autora describe desde a perspectiva de Ronja unha infancia e unha familia abocadas á vulnerabilidade, na que os nenos teñen que crecer máis rápido do que deberían, arranxarllas sen os seus pais e mesmo coidar deles. Un libro emocionante e conmovedor, triste e cheo de bondade, que fai ben e doe, pero sobre todo tenche nas súas garras desde a primeira á última páxina. E ante o cal a quen non adoita chorar váiselle a facer difícil non facelo.