A inspectora Pieldelobo está aínda no punto de mira dos seus superiores da comisaría de Pamplona despois das irregularidades cometidas na resolución dun caso de triplo asasinato relacionado cunha poderosa familia do Opus Dei.
Un operativo da Policía Nacional contra o narcotráfico con axentes infiltrados complicase cando a moza Elur Amézaga aparece asasinada en Bera, unha pequena vila de Navarra dun destacado dirixente abertzale local e todo apunta a que o culpable da súa morte é o inspector Fernando Ribas, amigo de Marcela (ademais de amante e mentor da inspectora cando esta entrou no corpo, hai máis de dez anos), pero Marcela resístese a crer que Ribas, a pesar de todos os seus defectos, fora ademais un policía corrupto.
Disposta a aclarar o sucedido, a inspectora Pieldelobo ignora tanto as chantaxes anónimas como as indicacións dos corpos policiais, que insisten en pechar o caso canto antes, e as ameazas do entorno abertzale, que non quere verse implicado nun caso relacionado coa droga. Unha vez máis, ela seguirá o seu instinto e iniciará unha perigosa investigación contra o reloxo que porá en perigo a súa vida nas bretemosas terras da muga entre Francia e Navarra.