O xardineiro non sempre é o asasino, ás veces é o cadáver… Angela Merkel enfróntase a esta extravagante situación cando o seu cachorro Putin descobre o cadáver dun xardineiro no cemiterio de Klein-Freudenstadt. O morto está nunha posición imposible: boca abaixo e enterrado de maneira que só as súas pernas sobresaen.
Os sospeitosos deste asasinato pódense atopar en dúas familias rivais que dirixen senllas empresas de pompas fúnebres: hai un escuro director xerente, unha contable algo inestable, un adorador de Satán... Un deses empresarios funerarios revélase como un home incriblemente culto aínda que Angela non só comparte o seu amor por Shakespeare con el, senón que tan interesante señor tamén lle parece unha ex estrela de cinema...Sucumbirá ao encanto deste home? E que di o seu marido Achim respecto diso?
O segundo caso da detective Miss Merkel volve exporlle complicados problemas á excanciller e pon patas para arriba a aparente calma da súa nova vida de xubilada, tamén no ámbito privado.