En 1922, o nacemento dun neno en Nova York cambiará a historia do mundo un século despois. Os servizos de intelixencia soviéticos deseñan para ese bebé o máis audaz plan de espionaxe xamais imaxinado. Uns anos máis tarde, Lavrenti Beria, o sanguinario xefe da policía bolxevique, presentará ese plan a Stalin, que se apropiará do operativo e converterao nunha misión persoal e extremadamente secreta, será a Operación Kazán. Nin Beria nin Stalin vivirán para ver como aquel neno que se converteu nun espía, culmina o seu ambicioso proxecto, latente durante lustros. Xa nos nosos días, a chegada ao poder en Moscova dun axente do KGB, insaciable e temerario, relanzará a Operación Kazán, para sabotear a Occidente e recuperar para Rusia a condición de superpotencia. Pero, terá éxito? Conseguirá o líder ruso o seu verdadeiro obxectivo de controlar Estados Unidos desde o Kremlin? Cumprirase a orde de Stalin ou escaparáselle das mans?